Vaksandi áhugi fyri kvinnutelving

Fyrsta árið vóru 9 kvinnur við í Janus Open. Á øðrum ári vaks talið til 15 kvinnur, sum vit eru sera fegin um. 

Vit hava lagt dent á at skapa góðar karmar fyri gentur og kvinnur í talvi, og millum annað varð ein serlig snarkapping skipað fyri kvinnur leygardagin, har heilar 24 luttóku.

Hetta vísir, at áhugin er vaksandi, og at tørvur er á tiltøkum, sum stuðla og menna kvinnutelving í Føroyum. Janus Open fer framhaldandi at arbeiða miðvíst fyri at styrkja kvinnuluttøkuna og skapa fleiri møguleikar fyri gentur.