Janus Open stuðlar FM fyri gentur

Tá ið FM fyri gentur verður á Eiði 21. november, fær hvør luttakari eitt gávukort til biografin frá Janus Open. Tað er Talvfelagið Rókur, sum skipar fyri kappingini í samstarvi við Talvsamband Føroya.

Janus Open hevur valt at stuðla kappingini við gávukortunum, og allar gentur, sum luttaka í FM, sleppa eisini ókeypis við til Janus Open III á Eiði 8.–10. januar 2027.

Vit í Janus Open vilja fegin hava fleiri gentur og kvinnur at telva. Ein partur av tí er at stuðla teimum, sum longu eru við, og geva nýggjum telvarum hug at royna seg. Tí hildu vit, at FM fyri gentur var eitt gott høvi at lata ein stuðul, sum allar genturnar fáa gleði av.

Vit vóna, at nógvar gentur koma til FM, og at vit síggja tær aftur til Janus Open í januar.