Janus Open III – 8. - 10. januar 2027

Vit í Talvfelagnum Róki gleða okkum at bjóða vælkomin til Janus Open III, sum verður í Kolshøll á Eiði 8. - 10. januar 2027.

Janus Open er ein minningarkapping fyri Janus í Løðuni, sum var ein sera virkin og góður partur av felagnum í nógv ár. Við kappingini vilja vit minnast hann við tí felagsskapi og gleði, sum hann ríkaði talvumhvørvi við.

Fyrstu tvey árini hava verið sera væl eydnað. Fyrsta kappingin í 2025 gjørdist tann størsta talvkappingin í Føroyum nakrantíð, og í 2026 vaks kappingin enn meira við luttakarum úr bæði Føroyum og útlondum.

Aftur í 2027 verður telvað 8 umfør yvir tríggjar dagar. Øll eru vælkomin at vera við – bæði roynd og óroynd, børn og vaksin. Øll telva í sama bólki, og heiðurslønir verða latnar í fleiri ymiskum flokkum.

Eins og undanfarin ár verður dentur lagdur á góða stemningin rundan um kappingina. Ókeypis matur verður millum umførini gjøgnum vikuskiftið, og vit bjóða eisini ókeypis kaffi og køkur. Vit vóna aftur í ár at síggja nógv fólk savnast um eitt gott talvvikuskifti á Eiði.

Vit arbeiða eisini víðari við at fáa fleiri gentur og kvinnur upp í talv, og tað gleðir okkum, at fleiri og fleiri eru byrjaðar at luttaka í Janus Open. 

Tilmelding og meira kunning er nú at finna á www.janusopen.fo. Vit síggjast í Kolshøll í januar 2027! 

Við talvkvøðu
Talvfelagið Rókur