Góð undirtøka!

Nú tað eru 4 mánaðir til Janus Open II byrjar, gleðast vit um, at tað longu eru komnar 77 tilmeldingar til kappingina. Sermerkt er, at heili 14 kvinnur eru tilmeldaðar, og at tað eru telvarar í øllum styrkisbólkum. Heilt frá nýbyrjaðum til sterkastu telvarum í Føroyum. Eisini kann nevnast, at tað eru 13 útlendingar tilmeldaðir í løtuni. Allar tilmeldingarnar kunnu síggjast her: Tilmeldingar

Við Janus Open verður dentur lagdur á, at øll skulu verða vælkomin og hava eina góða uppliving í góðum talvumhvørvi. Tí er ikki at halda seg aftur, men at koma og njóta eitt gott vikuskifti saman við okkum á Eiði dagarnar 9. til 11. januar 2026.

Meldið til!